بڕیارە سبەینێ سێشەممە پێدانی زەوی لە لایەن سەرۆکایەتی شارەوانی سلێمانی بە توێژێکی دیکە بدرێت.
سەردەشت رەفیق، بەڕێوەبەری ڕاگەیاندنی سەرۆکایەتی شارەوانی سلێمانی بە “تۆڕی میدیایی خەڵک”ی ڕاگەیاند:ئاگاداری ئەو زیندانیکراوە سیاسییانە دەکەنەوە کە فەرمانی پێدانی زەوییان بۆ دەرچووە لە وەجبەکانی (6،7،8) و مینحەی مانگانەی 10 ساڵەکەیان وەرگرتووە، تا ئێستا نەهاتوون بۆ وەرگرتنی زەوییەکەیان، سبەینێ سێشەممە کاتژمێر 9:00ی سەرلەبەیانی لە هۆڵی رۆشنبیری ئامادەبن بۆ وەرگرتنی زەویی نیشتەجێبوون.
بەڕێوەبەری راگەیاندنی سەرۆکایەتیی شارەوانیی سلێمانی وتیشی: “پێدانی زەوییەکان بەشێوەی تیروپشک دەبێت و، ئەوەی سوومەند نەبووبێت پێدانی زەوی دەیگرێتەوە.
وتیشی: “بەهۆی زۆری مامەڵەی هاووڵاتییان و ئەوەی نامانەوێت کارەکانیان دوابکەوێت، سەرەڕای دواكەوتنی مووچە مانگرتنمان رانەگەیاندووە”.
