بە هۆی ڕووداویکی هاتوچۆوە لە گەرمیان دوو کەس گیان لە دەستدا و حەوتی دیکەش بریندار بوون.
پێکدادانی دوو ئۆتۆمبێل لەسەر ڕێگای کەلار خانەقین نزیک گوندی گاکوڵ دوو گیان لەدەستدان و حەوت برینداری لێکەوتەوە، بریندارەکان گەیەنراونەتە نەخۆشخانە
هاتوچۆی گەرمیان بڵاوی کردەوە: نیوەڕۆی ئەمڕۆ شەممە، دوو ئۆتۆمبێل لە جۆرەکانی مازدا و تۆیۆتا کۆرۆلا، لەنزیک گوندی گاکوڵ پێکیانداداوە، بەهۆی ڕووداوەکەوە دوو کەس گیانیان لەدەستداوە و حەوت کەسیش برینداربوون.
باس لەوەشکراوە، لە ئۆتۆمبێلی جۆری مازدا دوو کەس گیانیان لەدەستداوە دووکەسیش بریندابوون، پێنج بریندارەکەی دیکە لە ئۆتۆمبێلی جۆری تۆیۆتاکەدابوون.
هاتوچۆی گەرمیان دەشڵێت: بریندارەکان بەمەبەستی وەرگرتنی چارەسەر گەیەنراونەتە نەخۆشخانەی فریاکەوتنی شەهید هەژار لە کەلار و بەمەبەستی لێکۆڵینەوە لە شێواز و هۆکاری ڕووداوەکە تیمی هاتووچۆ گەیشتوونەتە سەر ڕووداوەکەو لێکۆڵینەوەیان دەستپێکردووە.
