لە دوای بردنەوە لە سعودیە، لە گەڕی دووەمی گروپی یەكی جامی “كەنداو ٢٥”، یاریزانانی عیراق خەڵات دەكرێن.
یەكێتی تۆپی پێی عیراق لە پاش ستایشكردنی ئاستی یاریزانان لە یارییەكەدا بڕیاریدا ٣ هەزار دینار بۆ هەر یاریزانێك خەرج بكات، وەك ڕێزگرتن لەو هەوڵەی خستیانەگەڕ لە یارییەكەیان بەرامبەر بە سعودیە، وەزارەتی وەرزش و لاوانیش بڕی ٤ هەزار دیناری بۆ هەر یاریزانێك خەرج كرد و بڕی پاداشتەكان بۆ هەر یاریزانێك گەیشتە ٧ هەزار دۆلار كە هاندانە لەپێناو تەواوكردنی كاروانەكە.
دوێنێ ئێوارە، هەڵبژاردەی عیراق لە كەشێكی باراناوی نالەباردا لە یاریگای “جذع النخلة” لە بەسرە، توانی بە ئەنجامی ٢-٠ لە سعودیە بباتەوە و بە كۆكردنەوەی ٤ خاڵ ببێتە یەكەمی ڕیزبەندی گروپەكەی.
