سەرۆکایەتی کۆمار بەتوندی ئیدانەی کردەوه تیرۆریستییەکەی دژبه لیوای هاوبەشی سوپای عێراق و هێزی پێشمەرگەی کرد، کە لە ئەنجامدا سێ ئەندامی لیواکە بەهۆی تەقینەوەی بۆمبێکی چێندراو له ناوچەی دوزخورماتوو شەهیدبوون.
ئەمڕۆ یەک شەممە، سەرۆکایەتی کۆمار لە بەیاننامەیەکدا پرسە و سەرەخۆشی خۆی ئاراستەی بنەماڵەی ئەو شەهیدانە کرد، کە لە کردەیەکی تیرۆرستیدا بوونە قوربانی.
هاوکات لە بەیاننامەکەدا هاتووە، سەرۆک کۆمار پشتیوانی تەواوی خۆی بۆ هەوڵەکانی بەهێزکردنی ئاسایش و سەقامگیری لە وڵاتدا دوپاتدەکاتەوە.
هەروەها دەڵێت، بەردەوام دەبێت لە روبەڕوبونەوەی شانەکانی گروپە تیرۆریستییەکان بە هەموو هێز و ئیرادەیەکەوە تا لەناوچوونی دوایین پاشماوەیان لەپێناو دەستەبەرکردنی ژیانێکی ئارام و سەقامگیر بۆ گەلەکەمان.
