لەتیف ڕەشید، سەرۆک کۆماری عێراق و عەلی عەلاق، پارێزگاری بانکی ناوەندی کۆبوونەوە و هەردولا پەرەپێدانی کەرتی بانکی حکومی و ئەهلی و پاڵپشتیکردنی کارەکانی بانکی ناوەندی کرا بۆ بەهێزکردنی سەقامگیریی دارایی و بەدیهێنانی گەشەپێدانی ئابووری.
بە گوێرەی ڕاگەیەندراوی سەرۆکایەتی کۆماری عێراق، لە میانی دیدارەکەدا کە ئەمڕۆ یەکشەممە لە کۆشکی بەغدا بەڕێوەچوو، باس لە پلانی چاکسازی و پەرەپێدانی کەرتی بانکی حکومی و ئەهلی و پاڵپشتیکردنی کارەکانی بانکی ناوەندی کرا بۆ بەهێزکردنی سەقامگیریی دارایی و بەدیهێنانی گەشەپێدانی ئابووری.
باس لەوەشکراوە: سەرۆك کۆمار جەختیکردەوە لەسەر پێویستی دانانی ستراتیژێك بۆ داهاتووی سیاسەتی دارایی بەگوێرەی ستانداردی ڕوون و شەفاف لەپێناو پەرەپێدانی ئەو خزمەتگوزارییانەی پێشکەش بە هاووڵاتیان دەکرێت و بۆ بنیاتنانی کەرتێکی بانکیی رەسەن.
لەبەرامبەردا عەلی عەلاق، پارێزگاری بانکی ناوەندی باسی لە پلان و رێکارەکانی بانکی ناوەندی کرد بۆ پەرەپێدانی کەرتی بانکی تا بتوانێت رۆڵی خۆی بگێڕێت لە روبەڕوبونەوەی ئاڵنگارییە ئابوورییەکان.
