لەماوەی نزیکەی مانگێکدا زێر بە ڕێژەیەکی بەرچاو دابەزی و بۆ هەر مسقاڵێک زێڕی عیارە 21 نزیکەی 55 هەزار دابەزیوە.
نرخی زێر لە مانگی تشرینی یەکەمی ڕابردوو بەشیوەیەکی بەرچاو بەرزبۆوە، بەڕادەیەک ئاستێکی پێوانەیی و مێژووی تۆمارکرد، کاتێک یەک ئۆنسە زێڕ لە 2800 دۆلار نزیکبووەوە.
هاوکات لەگەڵ نزیکبوونەوەی هەڵبژاردنی سەرۆکایەتی ئەمریکا، وردە وردە نرخی زێر ڕووی لە دابەزین کرد، و بەدیاریکراوی لەدوای ڕاگەیاندنی ئەنجامی هەڵبژاردنەکانی ئەمریکا و دەرچوونی دۆناڵد ترەمپ بە سەرۆکی نوێ، زێر نزیکەی 250 دۆلار دابەزی.
هاوکات لە ئێستاشدا ئۆنسەی زێر بە ناجێگیری ماوەتەوە و نرخی ئۆنسەیەک 2560 دۆلارە، هاوکات نرخی مسقاڵێک زێڕی عیارە 21 لە بازاڕەکاندا 550 هەزار دینارە.
ئەمڕۆش نرخی زێر بەمشێوەیەبوو:
مسقاڵێک زێڕی عەیارە 24 به 628 هەزار دینارە.
مسقاڵێک زێڕی عیارە 21 به 550 هەزار دینارە
مسقاڵێک زێڕی عیارە 18 به 470 هەزار دینارە
