نرخی نەوتی خاو و برێنت لە بازاڕەکانی جیهان دابەزینی بەخۆیەوە بینی و بەرمیلێک نەوتی خاوی برێنت بە 72 دۆلار مامەڵەی پێوەدەکرێت.
ئەمڕۆ چوارشەممە، لە بازاڕەکانی جیهان، نرخی بەرمیلێک نەوتی برێنت بە 72 دۆلار و سێ سەنت مامەڵەی پێوەدەکرێت.
هەروەها یەک بەرمیل نەوتی رۆژئاوای تێکساس بە 68 دۆلار و 25 سەنت مامەڵەی پێوە دەکرێت، هاوشێوەی نەوتی برێنت نرخەکەی دابەزیوە.
ئەو دابەزینەی لە نرخی نەوتدا روویداوە بەهۆی زریانی رافائیلەوە کە لە مەکسیک دروست بووە، کاریگەری کردووەتەوە سەر بەرهەمهێنانی نەوت و غاز لە ئەمریکا.
هاوکات، دوای بردنەوەی دۆناڵد ترەمپ لە هەڵبژاردنی سەرۆکی ئەمریکادا و سیاسەتەکانی بۆ سزادانی ئێران و فەنزوێلا نرخی نەوت دابەزینی بەخۆیەوە بینی.
