سبەینێ پێنجشەممە هاوکاری دارایی هێزەکانی هاوپەیمانان بۆ هێزەکانی پێشمەرگە دابەش دەکڕێت کە هاوکاری مانگی 10یە.
وەزارەتی پێشمەرگەی حکومەتی هەرێم بڵاویکردەوە: دوای ئەوەی هاوکاری هێزەکانی هاوپەیمانان بۆ هێزی پێشمەرگە خرایە سەر هەژماری وەزارەتی پێشمەرگە، بەڕێوەبەرایەتی گشتی بوودجە و بەرنامەکان (ژمێریاری سەربازی)، ڕێکارە دارایی و ژمێریارییەکانی ئەنجام داون.
باسی لەوەشکردووە: بۆ ئەم مەبەستە، ڕۆژی پێنجشەممە 7ی تشرینی دووەمی 2024، هاوکاری مانگی 10 دابەش دەکرێت.
