لە سبەینێوە پلەكانی گەرما ڕوو لە بەرزبوونەوە دەكەن و كەشوهەوای هەرێم دەگۆڕێت و شارەزایەكی كەشناسی ئاشكرای دەكات، لەم مانگەدا لە سنووری ئیدارەی ڕاپەڕین و ئەو ناوچانەی ماون پەڵە دەدات.
شاڵاو هیدایەت، شارەزای كەشناسی بۆ (خەڵك) ڕایگەیاند، لە ئەمشەو و سبەینێ چوار شەممە و ڕۆژانی تر کەشوهەوا بەتەواوی ئاسایی دەبێتەوە و بەرزە پەستانێکی ئەوروپا کاردەکاتە سەر هەرێمی کوردستان و بەو هۆیەوە ئاسمانی ناوچەکان تاهەفتەیەكی تر بەگشتی ساماڵ و خۆرەتاوی دەبێ.
ڕاشیگەیاند، پلەکانی گەرما بەڕێژەی 2 تا 3 پلە بەرزدەبنەوە و خێرایی با لەڕۆژانی داهاتوودا لەسەرخۆ بۆ مام ناوەند دەبێت و بەزۆریش لەسەرخۆدەبێت بەهۆی بوونی بەرزە پەستان لەسەر ناوچەکانمان و ڕۆژانی داهاتوو بەراورد بە ئەمڕۆ تاڕادەیەک گەرمتر دەبێت، بەڵام شەوانە و بەیانیان بەتایبەتی هەست بە سەرما دەکرێت.
وتیشی، “لەم مانگەدا بۆ ئیدارەی ڕاپەرین و لایەنی کەم زۆرینەی ئەو ناوچانەی تر، كە ماون و پەڵەی نەداوە، بارانی پەڵە هەیە”.
