ئەندامێکی پەرلەمانی عێراق ڕایگەیاند، مووچەخۆران ئەگەر لە پرۆژەی (هەژماری من) زوڵمیان لێکراوە، دەتوانن لە دادگای فیدراڵی سکاڵا تۆماربکەن و بەپێی یاساش دەتوانن، ئەو بانکەی بە زۆر بۆیان دیاریکراوە بیگۆڕن.
د. موسەنا ئەمین، ئەندامی ئەنجومەنی نوێنەرانی عێراق لە فراکسیۆنی یەکگرتوو رایگەیاند: هاتنی بانکی TBI بۆ ناو هەژماری من، دەبێت لە ڕێگەی ئەو مەرجانەوە بێت کە دادگای فیدراڵی و وەزارەتی دارایی عێراق دیاریان کردووە.
باسی لەوەشکرد: هەژماری من لە کاتێکدا دەبێت بە تەوتین مەرجەکانی تێدابێت، بە گوێرەی مەرجەکانیش دەبێت، ئەو بانکانە تەوتین بکەن کە فیدراڵین و لەژێر فەرمانی بانکی ناوەندیدان.
روونیشیکردەوە: مووچەخۆران ئەگەر لە پرۆژەی هەژماری من زوڵمیان لێکراوە، دەتوانن لە دادگای فیدراڵی سکاڵا تۆماربکەن و بەپێی یاساش دەتوانن، ئەو بانکەی بە زۆر بۆیان دیاریکراوە بیگۆڕن.
