بەبڕیاری لیژنەی مۆلیدە ئەهلییەكانی قائیمقامیەتی ڕانیە، كاتی پێدانی كارەبای مۆلیدە بە هاووڵاتیان گۆڕا.
لێژنەی مۆلیدە ئەهلیەکانی قائمقامیەتی قەزای ڕانیە کاتی کارپێکردنی مۆلیدەکان دیاری دەکات و ڕایدەگەیەنێت، ئاگاداری هاووڵاتیان دەکەینەوە، کەوا دوو میکانیزم جێبەجێ دەکرێت بۆ پێدانی كارەبای مۆلیدە.
ڕوونیشی كردۆتەوە، مۆلیدەكان لە کاتژمێر ٦:٣٠ی بەیانی تاکو ٨ی بەیانی کاری پێدەکرێت و لە ٨ بەیانی دەکوژێتەوە تاکو ١٢ی نیوەڕۆ و دواتر ١٢ی نیوەڕۆ مۆلیدە كاری پێدەکرێتەوە تاکو كاتژمێر ۱ ی شەو .
ئاماژەی بەوەشكردووە، کاتژمێر ٦:٣٠ خولەکی بەیانی تاکو ۱ ی شەو مۆلیدە کاری پێدەکرێت.
جەختیشی كردۆتەوە، هەردوو بەرنامەکان بەردەستن و هاووڵاتی سەرپشکە لە دیاریکردنی ئەم دوو جۆرە بەپێی خواستی هاووڵاتیان و دانیشتوانی گەڕەکەکە .
