نرخی ئەمپێری مۆلیدە لە سلێمانی بۆ مانگی تشرینی یەکەم (10) دیاریکرا کە لەنێوان حەوت بۆ هەشت هەزار دینارە.
بەڕێوەبەرایەتی گشتی کارەبای سلێمانی بڵاویکردەوە: ئه‌مڕۆ دووشە‌ممه یژنەی دیاریكردنی نرخی مۆلیده ئه‌هلییه‌كان کۆبووەوە و به‌پێی نرخی سوته‌مه‌نی له بازاڕه‌كاندا نرخی هه‌ر كاتژمێرێك کارەبای مۆلیدە بۆ یه‌ك ئه‌مپێر 43 دینارە، به‌مه‌ش نرخی یه‌ك ئه‌مپێر كاره‌بای مۆ‌لیده‌ی ئه‌هلی گه‌ڕه‌كه‌كان له ناوشاری سلێمانی له نێوان حەوت بۆ هەشت هەزار دیناره.
باسی لەوەشکردووە: بەو پێیەی مۆلیدەکان لە نێوان (165 بۆ 185) کاتژمێر کاریان کردوە، به‌هۆی جیاوازی كارکردنیان نرخی ئه‌مپێرێك له گه‌ڕه‌كێك بۆ گه‌ڕه‌كێكی دیكه جیاواز ده‌بێت.
دەشڵێت: خشته‌ی كارپێكردنی مۆلیده بۆ مانگی تشرینی دووەم (11) بەمشێوەیە دەبێت:
رۆژانە لەکاتژمێر 12:00ی نیوەڕۆ تا 1:00ی شەو کاردەکەن.
کاتژمێر 1:00ی شەو دەکوژێتەوە تا 6:30 ی بەیانی.
🔷 کاتژمێر6:30ی بەیانی تا 8:00ی بەیانی کاردەکەن.
🔷 کاتژمێر 8:00ی بەیانی تا 12ی نیوەڕۆ کارناکەن.
🔴رۆژانی هەینی و شەممە بەیانیان کارناکەن، لەبری بەیانی کاتژمێر 11:00:ی پێشنیوەڕۆ کاردەکەن.
لیژنه‌ی دیاریكردنی نرخی مۆلیده ئه‌هلییه‌كان، جه‌ختیان له‌وه‌كردوه‌ته‌وه كه له‌كاتی كوژاندنه‌وه‌ی كاره‌بای نیشتیمانی نابێت كارپێكردنی موه‌لیده و پێدانی كاره‌با به هاووڵاتیان له پێنج خوله‌ك زیاتر بخایه‌نێت، به‌پێچه‌وانه‌وه خاوه‌ن مۆلیده‌كه سزاده‌درێت.
