پۆلیسی دارستانی سلێمانی دەستگیرکردنی کەسێکی بە تۆمەتی سووتاندنی 200 دۆنم پووش و پاوان لە شارباژێڕ ڕاگەیاند.
ئەمڕۆ دووشەممە، پۆلیسی دارستان و ژینگەی پارێزگەی سلێمانی ڕایگەیاند، دواى ئەوەى لەلایەن دانیشتووانی گوندى گەڵاڵێ ئاگادارکرانەوە لە ڕووداوێکى ئاگرکەوتنەوە لە سنورەکەیاندا دەست بەجێ مەفرەزەکانى بەشى پۆلیسى دارستانى ماوەت گەیشتنە شوێنى ڕووداوەکە توانیان بەهاوکارى دانشتوانى گوندەکە ئاگرەکە لەماوەیەکى کەمدا کۆنترۆڵ بکەن.
ئەوەشی خستەڕوو کە بە هۆی ئاگرەکەوە 200 دۆنم پووش و پاوان و دارى سروشتى سووتان.
پۆلیس ڕاشیگەیاند کەسێک بە هۆکاری ئاگرەکە دەستگیرکرا و دوای ڕێکخستنی پەڕاوی لێکۆڵینەوە، ڕادەستی دادوەر کرا بە مەبەستی وەرگرتنی ڕێکاری یاسایی.
