بوومەلەرزەیەک شارێکی لە ڕۆژهەڵاتی تارانی پایتەختی ئێران هەژاند و بە هۆیەوە کارەبا و ئینتەرنێتی ناوچەکە بڕا.
ئەمڕۆ یەکشەممە، ئاژانسی هەواڵی ئیرنای ئێرانی بڵاویکردەوە، بوومەلەرزەیەک بە گوڕی 4.8 پلەی ڕێختەر شاری گەرمساری سەر بە پارێزگەی سمنان هەژاندووە کە دەکەوێتە ڕۆژهەڵاتی تارانی پایتەختەوە.
ڕوونیشیکردەوە، بوومەلەرزەلە کاتژمێر 5:15ی بەیانی و لە قووڵایی 11 کیلۆمەتری زەوی ڕوویداوە، بێ ئەوەی زیانی گیانی لێبکەوێتەوە.
ئاژانسەکە ڕاشیگەیاند، بوومەلەرزەکە دەنگێکی سامناکی هەبووە و لە کاتی ڕوودانیشیدا، کارەبا و ئینتەرنێتی ناوچەکە بڕاوە.
