پاسپۆرتی سلێمانی ڕایگەیاند، ئاگاداری کوردانی تاراوگە دەکەن کە لە دەرەوەی عێراق و هەرێمی کوردستان نیشتەجێن، بۆ دەرکردن و نوێکردنەوەی پاسپۆرت بەهیچ جۆرێک کار بە “صورە قیدی ئەلیکترۆنی” ناکرێت.
ئەمڕۆ شەممە بەڕێوەبەرایەتی پاسپۆرتی سلێمانی لە ڕاگەیاندراوێکدا بڵاویکردەوە: ئاگاداری سەرجەم کوردانی تاراوگە دەکەین کە لە دەرەوەی عێراق و هەرێمی کوردستان نیشتەجێن، بۆ دەرکردن و نوێکردنەوەی پاسپۆرت بەهیچ جۆرێک کار بە “صورە قیدی ئەلیکترۆنی” ناکرێت.
ئاماژەی بەوەشکردووە: بە بڕیاری وەزارەتی ناوخۆی حکومەتی فیدڕاڵی عێراق کارکردن بە (صورە قیدی الكترونی) ڕاگیراوە، تەنها بە کار بە (کارتی نیشتمانی) دەکەین و دەتوانین مامەڵەکانیان ڕایی بکەن.
پاسپۆرتی سلێمانی ئەوەشی خستووەتەڕوو: پێویستە کوردانی تاراوگە لە کاتی گەڕانەوەیان بۆ هەرێمی کوردستان مۆڵەتی 30 ڕۆژ وەرگرن لەبەرئەوەی تەواو بوونی کارتی نیشتیمانی ماوەکەی (20 بۆ 30) ڕۆژی پێدەچێت.
