کەشناسی هەرێم رەوشی کەشوهەواو پلەکانی گەرمای بۆ ئەمڕۆ و سبەینێ یەكشەممە بڵاوکردەوە و ڕایگەیاند، ئاسمان هەوری تەواو دەبێت و هەورە بروسکەشی لەگەڵ دەبێت.
بەپێی راپۆرتی کەشناسی هەرێم، ئەمڕۆ یەکشەممە ئاسمان هەوری تەواو دەبێت لەگەڵ بارینی نمە باران و بارانی مام ناوەند لە کات و شوێنی جیا جیا هەندێکجار هەورە بروسکەشی لەگەڵدایە.
باسی لەوەشکردووە، پلەکانی گەرما نزم دەبێت بە دوو بۆ چوار پلەی سیلیزی بە بەراورد بە تۆمارکراوەکانی دوێنێ.
کەشناسی هەرێم دەشڵێت: سبەینێ یەکشەممە ئاسمان هەوری تەواو دەبێت لەگەڵ بارینی باران لە کاتەکانی بەیانیدا لە ناوچەکانی هەولێر و کەرکوک و سلێمانی هەڵەبجە و ئیدارەی راپەرین دابارین بە لێزمە دەبێت، لە دوای نیوەرۆ و کاتەکانی شەودا دابارین بەردەوام دەبێت بە رێژەیەکی کەمتر.
ئەوەشی وتووە: پلەکانی گەرما نزم دەبێت بە سێ بۆ پێنج پلەی سیلیزی بە بەراورد لە تۆمارکراوەکانی ئەمرۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر: 18
سلێمانی: 16
دهۆک: 18
کەرکوک: 20
هەڵەبجە: 16
زاخۆ: 18
سۆران: 15
حاجی ئۆمەران: 9
گەرمیان: 22
