تا هێڵی ئینتەرنێتەکەتان بەردەوامبێت و نەبڕدرێت ئەوا پێویستە بەپەلە ئەم کارە جێبەجێ بکەن!
کۆمپانیاکانی پەیوەندی و گەیاندن لەلایەن حکومەتی هەرێمی کوردستانەوە ئاگادارکراونەتەوە، هەر کەسێک بەشداریی هێڵی ئینتەرنێتی کردووە و بەڵگەنامە فەرمییەکانی وەک (ناسنامە یان کارتی نیشتیمانی و کارتی زانیاری یان کۆدی ئاسایش)ی پێشکەشی کۆمپانیای دابینکەری هێڵی ئینتەرنێت نەکردبێت لە کاتی بەشداریکردندا، ئەوا لەماوەیەکی نزیکدا هێڵەکەی دەبڕدرێت.
بۆیە پێویستە بە زووترین کات ئەو بەڵگەنامانە پێشکەش بە کۆمپانیای هێڵی ئینتەرنێت بکرێت.
ئەگەر کەسەکە بیانی بوو ئەوا پێویستە پاسپۆرت و نشینگە پێشکەش بکات وەک بەڵگەنامەی فەرمی.
لە ئێستادا کۆمپانیای iQ، دەستی کردووە بە پەیوەندیکردن بە بەشداربووانیەوە و وەرگرتنی بەڵگەنامەکان لە ڕێگەی ئەپڵیکەیشنەکەیانەوە.
