کەشناسێکی کورد زانیاری نوێ لە بارەی بارانبارینی ئەمڕۆ دەخاتەڕوو و ئاشکرای دەکات کە بڕێکی باشی هەوری کەڵەکەی باران لە ناوچەکانی ناوەڕاستی عێراقەوە بەرەو هەرێمی کوردستان بەڕێوەیە.سیروان ساڵح، شارەزای کەشناسی لە راگەیەندراوێکدا دەڵێت، “لە ئێستادا بڕێکی باش هەوری کەڵەکەی بەباران و هەورەبروسکه لە ناوچەکانی ناوەڕاستی عێراقەوە بەرەو گەرمیان و کەرکوک و بەشێکی پارێزگاکانی سلێمانی و هەڵەبجە لە جوڵەدایە”.
باسی لەوەشکردووە: ئێستا لە سنوورەکانی باشوور و خۆرهەڵاتی گەرمیان و ناوەڕاستی عێراق باران و هەورەبروسکەیەی ناوبەناو و لێرەو لەوێیە، ئەگەرهەیە ئەمڕۆ هەینی لەبەشێکی گەرمیان و پارێزگای سلێمانی و هەڵەبجە بڕێک باران ببارێت لەماوەیەکی کورتداو کەشێکی تاڕادەیەک ساردیش ناوچەکە بگرێتەوە و هەندێک کاتیش خێرایی با بۆ ئاستی مامناوەند بەرزببێتەوە.
ئەوەشی وتووە: ئەگەری بارانبارینی کورتخایەن لە بەیانی ئەمڕۆ هەینی لە هەندێک ناوچە بەهۆی ئەوگۆڕانکاریەی ڕوویدا لە درەنگ گەیشتنی هەورەکان بەناوچەکانی گەرمیان و دەوروبەری لەشەوی ڕابردوو، ئەمڕۆ هەینی زۆرینەی کاتەکان ئەگەری باران نییە بەزۆریش کاتەکانی ئێوارەو شەو.
