هەردوو بانکی ( چەرموو- چەمچەماڵ) ئاگاداری مووچەخۆران دەکەنەوە سبەینێ دەوام دەکەن و بچن بایۆمەتری و یوپی ئێن بکەن.
لە ڕاگەیەندراوێکدا قائیمقامیەتی قەزای چەمچەماڵ ئاماژەی بەوەدا، هەردوو بانکی ( چەرموو- چەمچەماڵ) لە ڕۆژانی هەینی و شەممەدا ١و ٢/ ١١/ ٢٠٢٤ سەرەڕای پشووی فەرمی دەوام دەکەن و بایۆمیتری ئەنجام دەدەن.
ئاماژەی بەوەشدا، ئاگاداری مووچەخۆرانی سنورەکەمان دەکەینەوە( فەرمانبەران- خانەنشین- کەسوکاری شەهیدان و ئەنفالکراوان- زیندانیانی سیاسی ….هتد) هەرکەسێک بایۆمیتری و یوپی پێن ی نەکردووە دەتوانن سەردانی هەردوو بانکەکە بکەن بەمەبەستی تۆمارکردنی بایۆمیتری و یوپی ئێن.
