ئەمڕۆ چوار شەممە وەزارەتی دەرەوەی قەتەر ڕایگەیاند،لەپەیوەندییەکی تەلەفۆنیدا لە نێوان شێخ محەمەد بن عەبدولڕەحمان سەرۆکوەزیران، بەدر عەبدولعەتی، وەزیری دەرەوەی میسر ، باس لە هەوڵە هاوبەشەکانی نێوەندگیری کراوە لە نێوان ئێران ئیسرائیلدا.
هەرچەندەباس لە وردەکاریی زیاتر نەکراوە سەبارەت بە دانوستانەکان و پەرەسەندنەکانیان، بەڵام ئەوەی لەڕێگەی ڕۆژنامەکانی ئیسرائیلەوە دزای پێکراوە، ئاماژە بەوە دەکات کە لە هەموو ئەگەرەکاندا ڕێککەوتنی نێوان حیزبوڵڵا و ئیسرائیل هێشتا دوورن، بەتایبەتی لەگەڵ نزیکبوونەوەی هەڵبژاردنەکانی ئەمریکا.
بە پێی پێشبینی شارەزایان، ئیسرائیل و ئەمریکا بیریان لەوە کردبووەوە کە ڕەنگە هەڵوێستی بزووتنەوەی ئیسلامی (حەماس) بگۆڕێت دوای کوژرانی بەرپرسی مەکتەبی سیاسی بزووتنەوەکە، یەحیا سینوەر.
لە کاتێکدا ئیسرائیل ڕووبەڕووی زیانێکی گەورە دەبێتەوە لە ڕوی ،زیانە گیانییەکان و هێزی سەربازی و باری داراییەوە، لەو چوارچێوەیەشدا شرۆڤەکاری سەربازی دیار لە سوپای ئیسرائیل لە شیکارییەکدا لە ڕۆژنامەی هارێتزدا ڕایگەیاندووە کە “مانگی ڕابردوو، خراپترین مانگە لە ڕووی زیانەکانی ئیسرائیلەوە لە سەرەتای ئەمساڵەوە. ”
سەرەڕای هەموو هەوڵەکان بۆ دانوستانەکان لە نێوان هەردوو وڵاتدا، بەرپرسان زۆر گومانیان هەیە لە ئەگەری ئەنجامدانی ڕێککەوتنێکی کۆتایی پێش هەڵبژاردنەکانی ئەمریکا کە بڕیارە لە 5 ی تشرینی دووەم ئەنجام بدرێت.
بەپێی پێشبینیەکان، نەتانیاهۆ دوای هەڵبژاردنەکان ڕووبەڕووی فشارێکی توند دەبێتەوە، چ لە لایەن دۆناڵد ترەمپەوە بێت یان کامالا هاریس هەردوو بەربژێری هەڵبژاردنەکانی ئەمریکا، کە داوای ئەوە دەکەن کۆتایی بە شەڕ بهێنرێت لە ناوچەکەدا.
