هەڵکشانی نرخی زێڕ ڕۆژ بە ڕۆژ ئاستی نوێی پێوانەیی تۆمار دەکات و لە سەرەتای ئەم هەفتەیەشەوە نزیکەی 60 دۆلار بەرزبووەتەوە.
ئەمڕۆ چوارشەممە، نرخی ئۆنسەیەک زێڕ لە بازاڕەکانی جیهاندا گەیشتە دوو هەزار و 784 دۆلار، کە ئەمەش تا ئێستا بەرزترین نرخە لە مێژوودا تۆماری کردبێت.
ڕۆژی دووشەممەی ڕابردوو نرخی ئۆنسەیەک بە دوو هەزار و 725 دۆلارەوە مامەڵەی پێوەدەکرا، بەڵام لە ماوەی ئەم دوو ڕۆژەدا نزیکەی 60 دۆلار بەرزبووەتەوە.
نرخی نەوتیش بە پێچەوانەوە بەردەوام بەرەو دابەزین دەچێت و لەم هەفتەیەدا نرخی هەر بەرمیلێک نزیکەی چوار دۆلار دابەزیوە.
ئەمڕۆش نرخی بەرمیلێک نەوتی خاوی برێنت بە 71 دۆلار و 59 سەنت و نەوتی خاوی ئەمریکشی بە 67 دۆلار و 73 سەنتەوە مامەڵەی پیوەدەکرێت.
