شارەزایەكی كەشناسی ڕایدەگەیەنێت، ڕەشەبا کۆتایی دێت و بارستە هەوای ساردی ناوەختیش دەکشێتەوە و دەشڵێت: سەرەتای مانگی 11 باران بارین دەستپێدەكاتەوە.
شاڵاو هیدایەت، شارەزای كەشناسی بۆ (خەڵك) ڕایگەیاند، کاریگەری بای باکوری خۆرهەڵات، کە بە ڕەشەبا ناسراوە لاواز بووە و بەرەو کۆتایی دەڕاوت و بەو هۆیەوە لە ئەمڕۆ هەینییەوە و ڕۆژانی داهاتوووە دۆخەکە ئاسایی دەبێتەوە و ڕەشەباکە نامێنێ.
وتیشی، “بارستە هەوای ساردی جەمسەریش لە ئەمڕۆ هەینییەوە لاواز دەبێت و لەدرەنگانی شەوی هەینی و شەممەوە بەتایبەتی بەتەواوی دەکشێتەوە بەو هۆیەوە لەئەمڕۆوە بۆ هەفتەی داهاتوو بەتایبەتی پلەکانی گەرما بەچەند پلەیەک ڕوو له بەرزبوونەوە دەکەنەوە و بەهۆی مانەوەی پلەکانی گەرما لەژێر نۆڕماڵەوە بۆ ماوەیەکی نادیار شەوانە بەتایبەت هەستکردن بەسەرما دەمێنێت”.
ئاماژەی بەشەوەشكرد، کەشی وشک تاهەفتەیەکی تریش درێژەی دەبێت، بەڵام دواتر کۆتایی مانگ و ناو مانگی 11 بەتایبەتی کەشی تەڕ و باراناوی دەگەڕێتەوە سەرتاسەری وڵات.
