پۆلیسی سلێمانی دەستگیرکردنی ئەو تۆمەتبارانەی ڕاگەیاند کە لە بنکەیەکی پۆلیسدا تەقەیان کردبوو.
ئەمڕۆ پێنجشەممە، چەند کەسێک لە بنکەی پۆلیسی کوردسات تەقەیان کرد و بە هۆیەوە سێ کەس کە یەکێکیان ئەفسەری پۆلیسە برینداربوون.
سەرکەوت ئەحمەد، وتەبێژی پۆلیس ڕایگەیاند تۆمەتبارانی ڕووداوەکە بە هاوکاری ئاسایش دەستگیرکران.
ئەوەشی خستەڕوو کە پێشتر کێشەی کۆمەڵایەتی لە نێوان هەردوولایەنی بەشەڕهاتوودا هەبووە و ئەمڕۆش لایەنێکیان لەبەردەم بنکەکەی پۆلیس تەقەی کردووە.
وتەبێژی پۆلیسی سلێمانی ڕاشیگەیاند، باردی تەندروستی بریندارەکان جێگیرە.
