تورکیا بۆردومانکردنی ڕۆژئاوای کوردستانی دەستپێکردەوە و لە هێرشەکانی دوێنێ شەویشدا 37 کەس بوونە قوربانی.
ئەمڕۆ پێنجشەممە، سوپای تورکیا لە ڕێی درۆنی بۆمبڕێژکراوەوە چەند ناوچەیەکی لە عەفرین و شەهبا بۆردومانکرد و لە کۆبانێش منداڵێک بە هۆی هێرشەکانەوە برینداربوو.
لە لایەکی دیکەشەوە هێزەکانی سووریای دیموکرات ئاماری زیانەکانی بۆردومانەکانی دوێنێ شەوی تورکیای بۆ سەر ڕۆژئاوای کوردستان بڵاوکردەوە و ڕایگەیاند 42 دامەزراوەی خزمەتگوزاری و سەرەکی کردووەتە ئامانج.
لە ڕاگەیەندراوەکەدا هاتووە کە بە هۆی هێرشەکانەوە 12 هاووڵاتی کە دووانیان مەدەنین گیانیان لەدەستداوە و 25 کەسی دیکەش برینداربوون.
