بەهای دۆلار بەرامبەر بە دینار ناجێگيرە و دوای چەند قۆناغێك لە بەرزبوونەوە، جارێكی دیكە دابەزینی تۆماركرد و ئەمڕۆ نزیكەی هەزار دینار دابەزیوە.
ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، بەیانی ئەمڕۆ لەكاتی كردنەوەی بازاڕی ئاڵوگۆڕی دراوەكان، بەهای 100 دۆلار بە 153 هەزار و 400 دینار بوو، بەڵام تا دوانیوەڕۆ بەهاكەی شكا.
ڕاشیگەیاند، لە كاتی ئێوارەدا بەهای 100 دۆلار دابەزی بۆ 152 هەزار و 500 دینار.
ئەمە لەكاتێكدایە، كە ئەمڕۆ دوو شەممە بانكی ناوەندی بڕی زیاتر لە 290 ملیۆن دۆلاری خستۆتەڕوو.
