محەمەد شیاع سوودانی، سەرۆك وەزیرانی عێراق پیرۆزبایی سەركەوتنی پرۆسەكەی لە گەلی كوردستان و سەرۆكایەتی و حكوومەتی هەرێم و تەواوی هێزە سیاسی و كاندیدە سەربەخۆكان كرد.
ئەمرۆ یەک شەممە، هەڵبژاردنی شەشەم خولی پەرلەمانی كوردستان بەڕێوە چوو، لەوچوارچێوەیەشدا محەمەد شیاع سوودانی، سەرۆك وەزیرانی عێراق پیرۆزبایی سەركەوتنی پرۆسەكەی لە گەلی كوردستان و سەرۆكایەتی و حكوومەتی هەرێم و تەواوی هێزە سیاسی و كاندیدە سەربەخۆكان كرد.
لە بەیاننامەکەدا هاتووە، بەردەوامبوون لە بژارەی دیموكراسی بۆ رۆڵەكانی گەلەكەمان لە ناوچە جیاجیاكانی عێراق، رێزگرتن لە بەهای دیموكراسی و باوەڕە بە دەستاودەستكردنی ئاشتییانەی دەسەڵات و چەسپانی بنیاتی دەستوورییە، ئەو دەستكەوتانەش بێ قوربانیدانی عێراقییەكان بۆ ئازادی و سەربەرزی و سەربەخۆیی بڕیارەكەیان نەدەهاتە دی، لە ژیان لە وڵاتێك هەمووان بێ جیاوازی تیایدا لە مافەكان یەكسان بن.
هاوکات ستایشی هەوڵ و ماندووبوونی كۆمسیۆنی باڵای سەربەخۆی هەڵبژاردن دەكەین بە بۆنەی سەركەوتنی پرۆسەی هەڵبژاردن، هیوادارین رێوشوێنەكانی تایبەت بە پێكهێنانی حكوومەتی نوێی هەرێمی كوردستان تەواو بكرێت، لە پێناو بەردەوامیی كاروانی پەرەپێدان و هاریكاری و سەقامگیری، ئەوەش وەك خزمەتێك بۆ رۆڵەكانی گەلەكەمان لە هەرێم.
