کەشناسی عێراق هاتنی بارستە ھەوایەکی سارد بۆ ھەرێم و عێراق ڕادەگەیەنێت و دەڵێت”پلەکانی گەرما نزم دەبنەوە”.
بەڕێوەبەرایەتی کەشناسی عیراق بڵاویکردەوە، لە ئەمڕۆوە بارستە ھەوایە زۆر سارد لە تورکیاوە ڕوو لە ھەرێمی کوردستان و باکوری رۆژھەڵاتی عێراق دەکات و پلەکانی گەرما نزم دەبنەوە.
لە بلاوکراوەکەدا کەشناسی عێراق ڕێنمایی ھاوڵاتیان دەکات کە جل و بەرگی زستانە لەبەربکەن، بەتایبەت لە شەواندا چونکە شەوان کەش وھەوا زۆر سارد دەبێت و پلەکانی گەرما بەشێوەیەکی بەرچاو دادەبەزن.
ئەمە لەکاتێکدایە ئەمڕۆ کەشناسی ھەرێم بڵاویکردەوە، کە ئەمڕۆ ئاسمان لە نێوان ساماڵ و نیمچە ھەور دەبێت لەگەڵ ئەگەری نمە بارانێکی کەم لەناوچە شاخاویەکانی پارێزگای سلێمانی و پارێزگای ھەڵەبجە و پلەکانی گەرماش پێنج پلە نزمدەبنەوە.
