بەرپرسی کێڵگە پەلەوەرییەکانی هەرێم ئاشکرای کرد، بەهۆی بڵاوبوونەوەی نەخۆشی لەناو کێڵگە پەلەوەرییەکان نرخی مریشک گران بووەو هەر کیلۆگرامێک 200 بۆ 300 دیناری چووەتەسەر.
نازم عەبدوڵا بەرپرسی کێڵگە پەلەوەرییەکان بە “تۆڕی میدیایی خەڵک”ی راگەیاند: ساڵانە بەردەوام یەک لە دوای یەک کێشە بۆ کەرتی پەلەوەر دووبارە دەبێتەوە تاوانەکەشی لە ئەستۆی هەرێمی کوردستانە چونکە هیچ پلانێکی نیە بۆ کەرتی پەلەوەر، لە کاتێکادا خۆی باش دەزانێت ئەم کەرتە ئاسایشی خۆراکی کوردستانە و پایەکی گرنگی ئابووریە لە هەرێمدا.
باسی لەوەشکرد، هۆکارەکانی بەرزبوونەوەی نرخی مریشک دەگەڕێتەوە بۆ گرانبوونی عەلەف کە هەر تەنێکی 50 هەزار دیناری چووەتەسەر، هاوکات رێگەی هەناردەکردنی ىەغدامان لێگیراوە و بەردەوامیش مریشکی بەستووی تورکی دێتە وڵاتەوە، ئەمەش وایکردووە بەرهەمی ناوخۆ ساغ نەبێتەوە.
نازم عەبدوڵا وتیشی: بەهۆی ئەوەی مریشکەکانمان نەخۆش کەوتون نرخەکەی 200 بۆ 300 دیناری دەچێتە سەر.
