وەزیری ناوخۆ واژۆی لەسەر بڕیارێک کرد بۆ دەستپیکردنەوەی ئەو کۆمپانیایانەی کە کاریان ڕاگیراوە.
وەزارەتی ناوخۆی حکومەتی هەرێم بڵاویکردەوە، بەواژوو ڕێبەر ئەحمەد وەزیری ناوخۆی حکومەتی هەرێمی کوردستان، فەرمانێکی وزاری بۆ مامەڵەکردنی نوێ لەگەڵ کۆمپانیاکانی بواری ڤیزا و نشینگە و پارێزەرەکان و ڕێکخراوەکان، ئەوانەی کۆدی فیزایان ڕاگیراوە، دەرچوو.
بەپێی بڵاوکراوەکەی وەزارەتی ناوخۆ، ئەو فەرمانە وزارییە لە ڕۆژی چوارشەممە ١٦ی ئۆکتۆبەری ٢٠٢٤ چۆتە بواری جێبەجێکردن و تا ٣١ی کانوونی یەکەمی ٢٠٢٤ کاری پێ دەکرێت.
ئاماژەش بەوەدراوە، لەڕێگەی ئەو بڵاوکراوانەوە دەتوانن زانیاری وەربگرن، و سوودمەندان دەتوانن سەردانی دیوانی وەزارەتی ناوخۆ بکەن بۆ ئەنجامدانی کاری پێویست.
