بە هۆی هەڵبژاردنەکەی پەرلەمانی کوردستانەوە، سێ ڕۆژ پشوو لە وەزارەتی خوێندنی باڵا و توێژینەوەی زانستی ڕاگەیەندرا.
ئەمڕۆ چوارشەممە، وەزارەتى خوێندنى باڵاو توێژینەوەى زانستى ڕایگەیاند، رۆژانى ١٩ تـاوەکو ٢١ى ئەم مانگە لە زانکۆ و پەیمانگە تایبەتەکاندا پشووى فەرمى دەبێت.
لە ڕاگەیەندراوەکەی وەزارەتدا هاتووە، “بەهۆى ئەنجامدانى پرۆسەى هەڵبژاردنەکانى پەرلەمانى کوردستان لە ڕێکەوتى (٢٠/ ١٠/ ٢٠٢٤) وەزارەتى خوێندنى باڵا و توێژینەوەى زانستى ڕایدەگەیەنێت؛ ڕێکەوتى (١٩) تاوەکو (٢١)ى ١٠/ ٢٠٢٤ کە دەکاتە رۆژانى (شەممە ، یەکشەممە، دووشەممە) پشووى فەرمى دەبێت لەسەرجەم زانکۆ حکومى و تایبەتەکان و دامەزراوەکانى سەر بە وەزارەتى خوێندنى باڵا و توێژینەوەى زانستى”.
بڕیارە ڕۆژی یەکشەممە داهاتوو، هەڵبژاردنی خولی شەشەمی پەرلەمانی کوردستان بەڕێوەبچێت.
