کەشناسی عێراق ڕایدەگەیەنێت، لە ڕۆژانی داهاتوودا پێشبینی باران بارین دەکرێت و پلەکانی گەرماش دادەبەزن.
دەستەی گشتی کەشناسی و بوومەلەرزەزانی عێراق، ئەمڕۆ یەک شەممە ١٣ی ئۆكتۆبەری ٢٠٢٤ لە ڕاپۆرتێكدا پێشبینییەكانی دەربارەی كەشوهەوای ئەم هەفتەیە بڵاوكردەوە.
بەپێی ڕاپۆرتی كەشناسی عێراق، “ڕۆژانی دوو شەممە و سێ شەممەی ئەم هەفتەیە ئاسمان بەگشتی ساماڵ و پەڵە ھەور دەبێت و پلەکانی گەرماش بە بەرزی دەمێننەوە”.
ڕاشیگەیاندووە، لە ڕۆژی چوار شەممەدا ئاسمان ساماڵ دەبێت و نیمچە ھەور دەبێت، بەڵام لە ناوچەکانی ھەرێمی کوردستان بارانی پچڕ پچڕ دەبارێت.
سەبارەت بە كۆتایی هەفتە ئاماژەی بەوەكردووە، ڕۆژی پێنج شەممە پێشبینی بارانباراین دەکرێت و پلەکانی گەرماش بەشێوەیەکی بەرچاو دادەبەزن.
