قوباد تاڵەبانی بڕی سێ ملیار دیناری وەک پشتیوانی و خزمەت لە بواری کەرتی وەرزش تەرخانکرد.
قوباد تاڵەبانی لێپرسراوی مەکتەبی سکرتارییەتی مام جەلال لە کۆبونەوەی لەگەڵ بۆردی وەرزش و لیژنەی باڵای وەرزشی یەکێتیی نیشتمانیی کوردستان، بڕی زیاتر لە سێ ملیار دیناری بۆ خزمەتکردنی کەرتی وەرزشی کوردستان تەرخانکرد.
بەپێی هەواڵێکی میدیای یەکێتی ئەو بڕە پارەیە بۆ دروستکردن و نۆژەنکردنەوە و دابینکردنی پێداویستی بۆ یاریگاکان لە پارێزگاکانی سلێمانی و ھەڵەبجە و ئیدارە سەربەخۆکانی راپەڕین و گەرمیان و قەزای بەردەڕەش لە پارێزگای دھۆک تەرخاندەکرێت.
ئەو بودجەیە بۆ ٣١ پڕۆژە تەرخانکراوە، ژمارەیەک یاریگا نۆژەندەکرێنەوە، چەند یاریگەیەکیش دروستدەکرێن و پێداویستییەکانی چەند یاریگایەکی دیکەش دابیندەکرێت.
