توێژینەوە زانستییەکانی ئەم دواییە دەریانخستووە کە زیادەڕۆیی لە خواردنی قاوە و شەربەتی میوە و خواردنەوە گازییەکان کە دووەم ئۆکسیدی کاربۆنیان تێدا دەتوێتەوە، وەک سۆدە و خواردنەوە ڕێجیمییەکان ئەگەری تووشبوون بە جەڵتەی مێشک زیاد دەکەن.
توێژینەوەیەک کە لەلایەن ماڵپەڕی “هێڵس دەی”ی تایبەت بە توێژینەوە پزیشکییەکانەوە بڵاوکراوەتەوە، دەرکەوتووە کە زیادەڕۆیی لە خواردنەوە گازییەکان چ بە شەکری سروشتی یان دەستکرد شیرین بکرێت، دەبێتە هۆی زیادبوونی مەترسی تووشبوون بە جەڵتەی مێشک بە ڕێژەی 22%، لەکاتێکدا بەرهەمەکانی شەربەتی میوە بە ڕێژەیەکی زیاتر ئەگەری مەترسی دروستبونی جەڵتەی مێشک هەیە. بەتایبەتی لەنێو ژناندا.
توێژەران بۆیان دەرکەوتووە کە بەرهەمەکانی شەربەتی میوە بە ڕێژەیەکی زۆر شەکر و مادەی پارێزەری تێدایە کە زیان بە تەندروستی دەگەیەنن، هەروەها ئامۆژگارییان کردووە دووربکەوینەوە لە خواردنەوە گازییەکان و بەرهەمە شەربەتییەکان، هەروەها ئاو خواردنەوە وەک جێگرەوەیەک بۆ کەمکردنەوەی ئەگەری جەڵتەی مێشک کە بەهۆی مەینەکانی مێشکەوە دروست دەبێت.
