جێگری سەرۆکی پارتی لە میانی بانگەشەی حزبەکەی دروشمی بانگەشەی ڕاگەیاند و وتی” لە دیدی ئێمە ڕوخاندن و تێکدان نییە و ئێمە بونیاد دەنێین”.
نێچیرڤان بارزانی جێگری سەرۆکی پارتی دیموکراتی کوردستان ڕایگەیاند، دەستپێشخەر و سونبولی گرنتی ئاوەدانی و سەقامگیری و ئاسایش و پێشكەوتنی كوردستانین، و بەردەوام دەبین بۆ خزمەتی خەڵک و وڵات و نیشتیمانمان.
ئاماژەی بەوەشدا، كە بارزانی پارتی دامەزراند، تەنها ڕێخراوێك نەبوو وەك ئەوانی پێش خۆی، بەڵكو ئەستێرەیەكی گەشاوەبوو بۆ كوردستان، كە لەمێژبوو بێبەش بوو لە ماف و ناسنامەی خۆی.
نیچیرڤان بارزانی جەختیشیکردەوە، ئێمەش پابەندین بەو ڕێبازەوە نەك لەبەر بارزانی بوون، بەڵكو لەبەر ئەوەی ڕێبازی كوردایەتی و خۆڕاگری و خەباتی ڕەوای گەلێكی ژێردەستیان بەرجەستە كرد.
