دابەشكردنی نەوت لە سنووری دەورووبەری سلێمانی بەردەوامە و بڕیارە لە هەفتەی داهاتووەوە لەناو شاری سلێمانی دابەشكردنی دەستپێبكات.
قائیمقامیەتی قەزای شارباژێڕ، دانیشتووانی شارباژێڕ ئاگادار دەکاتەوە، كە سبەینێ چوار شەممە ٢-١٠-٢٠٢٤ نەوت بەسەر دانیشتووانی سنورەکە دابەش دەکرێت.
ڕاشیگەیاندووە، هەر خێزانێك بڕی 200 لیتر نەوتی پی دەدرێت بە 104 هەزار دینار بەپێی پسووڵەی نەوت.
لای خۆشیەوە، سەرچاوەیەك لە لیژنەی سووتەمەنی سلێمانی بۆ (خەڵك) وتی، “بڕیارە لە هەفتەی داهاتووەوە دابەشكردنی نەوت لەناو شاری سلێمانی دەستپێبكات”.
