ئەمڕۆ دووشەممە، بە گوژمەى زیاتر لە ملیارێک و 177 ملیۆن دینار بەشی “سی تی سکان” لە نەخۆشخانەى ڕزگارى کرایەوە.
ئەو بەشەی نەخۆشخانەکە لە سەر بودجەى حکومەتى هەرێمى کوردستان لە نەخۆشخانەى ڕزگارى کراوەتەوە کە پێکهاتووە لە دابینکردنى ئامێرى سی تى سکان جۆرى (128slice) مۆدێل 2023 و دابینکردنى ( 2 ) سۆنەرى پێشکەوتوو و هۆڵى (Work Station) کە لە چەند شاشەیەکى تەلەفزیۆنى پێکهاتووە و بەشەکانى تیشک و سۆنەرى پێکەوە بەستاوەتەوە.
جگە لە پێشکەشکردنى خزمەتگوزارییەکى گرنگ بە هاووڵاتییان، ئەم بەشە بەکاردێت بۆ ڕاگۆڕینەوەى نێوان پزیشکانى پسپۆڕ و توێژینەوەى زانستیش بۆ قوتابیانى کۆلێژى پزیشکى.
