بە وتەی نوێنەری گشتیی مامۆستایانی گرێبەست بڕیاری بەگرێبەستبوونی مامۆستایانی وانەبێژ واژۆی لەسەرکرا.
عەلی ڕەئوف، نوێنەری گشتیی مامۆستایانی گرێبەست ڕایگەیاند، ئەمڕۆ پێنجشەممە وەزیری دارایی و ئابوریی هەرێم واژۆی لەسەر بڕیاری بەگرێبەستبوونی 37 هەزار و 933 مامۆستای وانەبێژ کرد .
ئاماژەی بەوەشکرد، وەزیری دارایی هەرێم گشتاندنیکردووە بۆ دیوانی وەزارەتی پەروەردە، ئەوانیش دەینێرن بۆ پەروەردەی پارێزگا و ئیدارە سەربەخۆکان.
ئەمەش لە کاتێکدایە، ڕۆژی 25ی ئابی 2024 بڕیاری بە گرێبەستکردنی سەرجەم مامۆستایانی وانەبێژ درا، ژمارەیان نزیکەی 38 هەزار کەسە و لە داهاتی ناوخۆی هەرێم مووچەکانیان خەرجدەکرێت.
