نرخی زێڕ لە بۆرسەی جیهانی ڕۆژ بەڕۆژ بەرزدەبێتەوە و گەیشتۆتە بەرزترین ئاستی مێژوویی و چاوەڕوان نەكراو و زێڕنگەرێك دەڵێت: تەنها ئەمڕۆ نرخی یەك مسقاڵ 5 هەزاری چۆتە سەر.
دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، بەهۆی بەرزبوونی نرخی دۆلار، ئەمڕۆ 5 هەزار هاتە سەر زێڕ و لووتکەیەکی نوێی لە مێژوودا تۆمار کرد، کە 580 هەزارە بۆ هەر مسقاڵێک.
ڕاشیگەیاند، ئەوەی 1 ی 9 بەبێ حەق دەست لیرەیەکی کڕیبێت ئێستا 40 هەزار لە خێردایە.
ئاماژەی بەوەشكرد، ئەمڕۆ نرخی یەك ئۆنسەی زێر گەیشتە 2654 دۆلار و بەهۆیەوە نرخی یەك لیرەی عەیار 21 بە 575 هەزار دینارە.
وتیشی، “نرخی یەك مسقاڵ زێڕی عەیار 24 بووە بە 675 هەزار دینار و عەیاری 21 بووە بە 575 هەزار دینار و عەیاری 18 بووە بە 492 هەزار دینار”.
