هاتووچۆی گەرمیان لە ڕاگەیەندراوێکدا داوا لە کاندید و لایەنە سیاسییەکان دەکات، بە دانانی پۆستەر ئاستەنگی هاتووچۆ دروست نەکەن.
بەڕێوەبەرایەتی هاتووچۆی گەرمیان ئاگاداری لایەنە سیاسیەکان، کاندید و کۆمپانیا بازرگانییەکان دەکاتەوە، کە پۆستەری بانگەشە بۆ هەڵبژاردنەکانی پەرلەمانی کوردستان و ڕیکلامە بازرگانییەکانیان لەو جێگایانە دانەنێن، کە دەبێتە هۆی شاردنەوەی هێماکانی هاتووچۆ و گڵۆپی ترافیک لایتەکان.
ئاماژەی بەوەشکرد، دانانی پۆستەر لە سەر شۆستە و لە بەرامبەر هێڵەکانی پەڕینەوە ئاستەنگی هاتووچۆ دروست دەکات.
جەخت لەوەش دەکاتەوە، داوای یاسایی لە سەر لایەنی سەرپێچیکار تۆمار دەکەن و پۆستەرەکانیان لێ دەکرێنەوە.
