بەڕێوەبەرایەتی ئاسایشی هەولێر دەستگیرکردنی ئەو تۆمەتبارانەی هێرشیان کردە سەر هونەرمەندێکی عەرەب ڕادەگەیەنێت و جەختیشدەكاتەوە، دەرکەوت کێشەکە کۆمەڵایەتیە.
بەڕێوەبەرایەتی ئاسایشی هەولێر لە ڕاگەیەنراوێكدا ئاماژەی بەوەكردووە، دوای ئەوەی لە تۆڕە کۆمەڵایەتیەکان گرتە ڤیدیۆیەك بلاو کرایەوە، کە هێرش دەکرێتە سەر هونەرمەندێک بەناوی ( بسمان الخطيب)، دەستبەجێ لە لایەن هێزەکانمانەوە دەست بە ئەنجامدانی بە دواداچوون کرا و لە ماوەیەکی کەمدا بەفەرمانی دادوەری لێکۆڵینەوەی ئاسایشی هەولێر دوو تۆمەتبارمان بەناوەکانی (ع ، پ ،ی ) و(ع ، ع ، ح) دەستگیر کرد.
ڕاشیگەیاندووە، یەکێک لەتۆمەتبارەکان لە گرتە ڤیدیۆی دەردەکەوێت هێرش دەکاتە سەر ئەو هونەرمەندە و تۆمەتباری دووەم وێنەی دەگرێت، لە لێکۆڵێنەوە لەگەڵ تۆمەتباران دەرکەوت کێشەکە کۆمەڵایەتییە.
دووپاتی دەکاتەوە، هەرکەسێک کاری نایاسای ئەنجام بدات لەلایەن هێزەکانمانەوە دەستگیر دەکرێت لەهەر ئاست و پۆستێکدابێت و هیچ کەسێک لەسەرووی یاساوە نییە.
