کۆمەڵەی پیشەسازیی نەوتی کوردستان داوای دەستپێکردنەوەی دانوستانی سێ قۆڵی لەگەڵ هەرێم و بەغدا دەکات بۆ هەناردەی نەوتی هەرێم.
لە پەیامێکدا کۆمەڵەی پیشەسازیی نەوتی کوردستان (ئەپیکور) داوا لە حکومەتی فیدراڵی عێراق دەکات بە هاوئاهەنگی لەگەڵ حکوومەتی هەرێمی کوردستان و کۆمپانیا نێودەوڵەتییەکانی بواری نەوت، کێشە هەڵپەسێردراوەکان لە بەرژەوەندیی هەموو لایەنەکان چارە بکەن، بۆ ئەوەی هەرچی زووە هەناردەی نەوتی هەرێمی کوردستان لەڕێگەی لوولەی نەوتی عێراق – تورکیا هەناردە بکرێتەوە.
ئەپیکور ئاماژەی بەوەشداوە، لێدوان و ڕاگەیاندراوەکانی ئەم دواییەی بەرپرسانی حکوومەتی هەرێمی کوردستان و عێراق بووەتە هاندەرێک بۆ ئەوەی کۆمپانیا نێودەوڵەتییەکانی بەرهەمهێنەری نەوت چارەیەک بدۆزنەوە، بۆ ئەو مەبەستەش داوای کۆبوونەوەی سێقۆڵیی نێوان حکوومەتی هەرێمی کوردستان، حکوومەتی عێراق و کۆمپانیا نێودەوڵەتییەکانی بواری نەوت دەکەن.
