سەرۆکی یەکێتی مامۆستایانی کوردستان هەڵوێستی لەسەر بایکۆت و دەستپێکردنەوەی خوێندن ڕاگەیاند و دەڵێت”هەڵبژاردن نزیکە ململانێی سیاسی هەیە نامانەوێت مامۆستایان ببنە بەشێک لەو ململانییانە”.
ئەحمەد گەرمیانی سەرۆکی یەکێتی مامۆستایانی کوردستان لە لیدوانێکیدا بۆ ( ببغداد الیوم) رایگەیاندووە، ئامادەکارییەکان بۆ دەستپێکردنی ساڵی نوێی خوێندن بەباشی بەڕێوەچووە، هیچ دەزگایەکی فەرمی نییە داوای مانگرتن و بایکۆتی مامۆستایان بکات.
ئاماژەی بەوەشدا، داواکانی مامۆستایان دەربرەی مافەکانیان ڕەوان، ئەوان داوای ماف و شایستەی ڕەوای خۆیان دەکەن ئێمەش پشتیوانییان دەکەین، بەڵام هەرگیز لەگەڵ بایکۆت و داخستنی ناوەندەکانی خوێندن نین.
ڕوونیشیکردەوە، بابەتی بایکۆت و پرسی دەستپیکردنەوەی خوێندن باسێکی گەرمە، بەتایبەت کە لە ئێستادا بەرەو هەڵبژاردنی پەرلەمانی کوردستان دەچین، دۆخەکە گەرمە و ململانێی سیاسی هەیە، نامانەوێت مامۆستایان و خەباتەکەیان ببێتە بەشێک لەو ململانییە و ببینە سوتوی ئەو ململانێیە.
وتیشی، ئێمە دەمانەوێت ناوەندگیر و بێلایەن بین، داوای مافی رەوی مامۆستایان حەوە، بەڵام دەمانەوێت لە بابەتە سیاسییەکان بەدووربین.
