کەشناسی هەرێمی کوردستان پێشبینی دەکات پلەی گەرمای زۆربەی ناوچەکان لە خوار 40ی سیلیزی بمێنێتەوە.
ئەمڕۆ شەممە، بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئاسمان ساماڵ دەبێت و پلەکانی گەرما نزیک دەبێتەوە لە تۆمارکراوەکانی دوێنێ.
ئەوەشی خستەڕوو کە جگە لە گەرمیان و کەرکووک کە 41 و 40 دبێت، پلەی گەرمای سەرجەم ناوچەکانی دیکەی هەرێم لە خوار 40 پلەی سیلیزی دەمێنێتەوە.
سەبارەت بە سبەینێ یەکشەممەش رایگەیاند، ئاسمان ساماڵ دەبێت لەگەڵ دروسبتوونی هەندێک پەڵە هەور و پلەی گەرماش نزیک دەبێتەوە لە تۆمارکراوەکانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی :
هەولێر : 39
سلێمانی : 38
دهۆک : 37
کەرکووک : 40
هەڵەبجە : 39
زاخۆ : 38
سۆران : 36
حاجی ئۆمەران : 28
گەرمیان : 41
