مالپەڕی شەفافیەتی بڵاویکردەوە کە داهاتی نانەوتی ئەم هەفتەیەی سلێمانی و هەڵەبجە و ئیدارە سەربەخۆكان نزیكەی 9 ملیار دینار بووە و بەراورد بە هەفتەی رابردوو کەمی کردووە.
ماڵپەڕی شەفافییەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی ئەم هەفتەیەی بڵاوکردەوە کە بڕەكەی هەشت ملیار و 730 ملیۆن و شەش هەزار و 100 دینارە. بەپێی ئامارەكە داهاتی ئەم هەفتەیە بەراورد بە هەفتەی پێشتر بە رێژەی نزیكەی 43% و بە بڕی نزیكەی 6 ملیار دینار كەمیكردووە.
سایتەكە روونیكردووەتەوە، داهاتی هەفتەی رابردوو زیاتر لە 15.5 ملیار دینار بووە.
