ئەنجوومەنی وەزیرانی هەرێمی کوردستان کۆدەبێتەوە، ئەنجامی کۆبوونەوەکانی ئەنجوومەنی ئابووریی عێراق و هەرێم لە هەولێر تاووتوێ دەکرێت.
بەپێی کارنامەی کۆبوونەوەی ئەنجوومەنی وەزیرانی هەرێمی کوردستان، ئەمڕۆ 11ـی ئەیلوولی 2024، کاتژمێر 10:00 کۆدەبنەوە و ئەنجامی کۆبوونەوەی هاوبەشی ئەنجوومەنی وەزاریی عێراق بۆ کاروباری ئابووریی و ئەنجوومەنی ئابووریی هەرێمی کوردستان دەخرێتەڕوو و تاووتوێ دەکرێت، ڕێکار و هەنگاوەکانی جێبەجێکردنی بڕیار و ڕاسپاردەکان تاووتوێ دەکەن.
بەپێی زانیارییەکان، بڕیارە لە کۆبوونەوەکەى ئەنجوومەنى وەزیراندا تاووتوێى مووچەى مووچەخۆران و هەماهەنگیکردنى وەزارەتەکان لەگەڵ حکومەتی فیدراڵ دەکرێت لەگەڵ تەواوکردنی تۆماری بایۆمەتری و چالاککردنی بە ئەليکترۆنیکردنی سیستمی پێدانی مووچە.
