بە هۆی ئاگرێکی فراوانەوە سەدان دۆنم لە سنووری قەزای پێنجوێن سووتان و لە ئاغجەلەریش دەیان دۆنم و هەزار بنەدار سووتان.
ئەمڕۆ سێشەممە، پۆلیسی دارستان و ژینگەی پارێزگەی سلێمانی ڕایگەیاند، بە هۆکارێکی نادیار ئاگرێکی فراوان لە سنوری گوندی چاژی ناحیەی گەرمك کەوتەوە کە مەفرەزەیەكی بنکەی پۆلیسی دارستانی گەرمك بە هاوکاری ڕێکخراوی ملەکەوە و خەڵکی ناوچەکە توانیان بیکوژێننەوە.
ڕوونیشیکردەوە کە بەهۆی ئاگرەکەوە زیاتر لە 600 دۆنم پوش و پاوان و داری سروشتی سووتان.
ئەوەشیختسەڕوو کە لەو ئاگرەی کە ڕۆژی یەکشەممە لە گوندی کانی بی سەر بە ئاغجەلەر کەوتەوە، 50 دۆنم پووش و پاوان و نزیکەی هەزار بنەدار سووتان.
