هاوکارییە داراییەکەی هاوپەیمانان بۆ پێشمەرگە دابەش بکرێت و نزیکەی 11 هەزاریان لە ڕێی “هەژماری من”ەوە وەریدەگرن.
تیمی “هەژماری من” ڕایگەیاند، ئەمڕۆ دووشەممە هاوکارییە داراییەکەی هاوپەیمانان بۆ مانگی ئاب دابەش دەکرێت و نزیکەی 11 هەزاریان لە ڕێی هەژماری منەوە وەریدەگرن.
ڕوونیشیکردەوە کە هەشت هەزار پێشمەرگە لە هەولێر، نزیکەی هەزار 400 پێشمەرگە لە سلێمانی و لە پارێزگەی دهۆکیش نزیکەی هەزار و 500 پێشمەرگە هاوکارییەکانیان خراوەتە سەر “هەژماری من”.
ئەوەشی خستەڕوو کە هاوکارییەکەی هاوپەیمانان دوای کاتژمێر نۆی بەیانی ئەمڕۆ دەچێتە سەر هەژماری بانکی بەشداربووان و بە کورتەنامەیەک ئاگادار دەکرێنەوە بۆ ئەوەی بچن سەردانی ئامێرەکانی ATM بکەن و هاوکارییەکە ڕابکێشن.
ئەم مانگەش 401 هەزار دینار وەک هاوکاری دەدرێتە پێشمەرگە و پارەکەش بەدەرە لەو مووچەیەی کە مانگانە وەریدەگرن.
