یەكێتی نێودەوڵەتی تۆپی پێ “فیفا”، وادەی ڕاكێشانی تیروپشكی جامی جیهانی یانەكان ڕادەگەیەنێت كە بۆ جاری سێیەم لە پاش 2013 و ،2014 لە وڵاتی مەغریب بەڕێوەدەچێت.
بەپێی بەیاننامەیەكی فەرمی كە لەلایەن فیفاوە بڵاوكرایەوە”تیروپشكی جامی جیهانی یانەكان لە 13ی ئەم مانگەدا لە ئەكادیمیای محەمەدی پێنجەم بۆ تۆپی پێ لە شاری ڕەبات ڕادەكێشرێت”.
تەئكید لەسەر یاریی یەكەمی پاڵەوانێتییەكە كراوەتەوە كە لەنێوان تیپی ئەهلی میسری و ئۆكڵاند سیتی نیوزلەندییە لە 1ی شوباتی داهاتوو، تیپەكانی فلامینگۆی بەرازیلی و ڕیاڵ مەدریدی ئیسپانیش ڕاستەوخۆ كێبڕكێی پاڵەوانێتییەكە لە خولی نیوەی كۆتاییەوە دەستپێدەكەن كە لە 7 و 8ی هەمان مانگدا بەڕێوەدەچێت.
