بەڕێوەبەرایەتیی گشتیی شارەوانییەکانی سلێمانی لە ڕاگەیەندراوێکدا بڵاویکردەوە، “ئەو فەرمانبەرانەی لە دەرەوەی وڵاتن و خزمەتی 8 ساڵیان هەیە دەتوانن لە ڕێگەی کەسێکەوە فۆڕمی بەڵێنامەی وەرگرتنی زەوی پڕبکەنەوە”.
لیژنەی دابەشکردنی زەوی لە بەڕێوەبەرایەتیی گشتیی شارەوانییەکانی سلێمانی ئاگاداری سەرجەم ئەو فەرمانبەرانە دەکاتەوە کە لە دەرەوەی وڵاتن و مۆڵەتی درێژخایەنیان هەیە، دەتوانن فۆڕمی بەڵێنامەی وەرگرتنی زەوی پڕبکەنەوە.
ئاماژەی بەوەکرد، لەسەر ڕاسپاردەی وەزیری شارەوانی ئەو فەرمانبەرانەی لە دەرەوەی وڵانت و خزمەتی 8 ساڵیان هەیە لە ماوەی 2 دوو ڕۆژدا کەسێک بنێرن کە وەکالە عامە یان تایبەتی هەبێت سەردانی شارەوانی بکات بۆ پڕکردنەوەی فۆڕمی بەڵێنامەی وەرگرتنی زەوی .
ئەوەشی خستەڕوو، پێویستە وەکیلەکەی ئەم پێداویستیانەی تۆی پێبێت (کارتی زانیاری + کارتی نیشتمانی خۆی و هاوسەری و ماڵ و مناڵی).
