وەزارەتی سامانە سروشتییەکانی حکومەتی هەرێم مۆڵەتی هاوردەی بەنزین دەدات.
وەزارەتی سامانەسروشتییەکان بڵاویکردەوە، کەمال محەمەد ساڵح وەزیری سامانە سرووشتییەكان بە مەبەستی دابینکردنی بەنزینی پێویست و زیادکردنی خستنەڕووی لە بازاڕەکانی هەرێمدا، لە فەرمانێکی وەزاریدا، ڕێگەپێدانی بۆ هاوردەکردنی بەنزینی بازرگانی لە بازگەکانی نێوان حکوومەتی هەرێم و حکوومەتی فیدراڵ دەرکرد.
لە بڵاوکراوەکەی وەزارەتی سامانە سروشتییەکان هاتووە، مۆڵەتی هاوردەی بەنزین دەدرێت، بە مەرجێک بە پێی رێنمایی و ئەو کوالێتییەی بێت لە لایەن لیژنەکانی بەڕێوەبەرایەتیی نەوت و کانزاکان و پارێزگاکان دیاری کراوە.
جێی باسە لە ماوەی دوو مانگی ڕابردوودا نرخی بەنزین لە پارێزگاکانی هەرێمی کوردستان بەشێوەیەکی بەرچاو بەرزبۆوە و لە بەدواداچوونێکی خەڵك- دەرکەوت، نرخی لیترێک بەنزینی نۆرماڵ لە 850 دینارەوە بۆ 925 دینار و بەنزینی موحەسەن بۆ هەزار و 125 دینار و بەنزینی سۆپەریش بۆ هەزار و 275 دینار بەرزبۆتەوە، هۆکارەکەش خواستی زۆر و نەبوونی بەنزینی پاڵپشتیکراوی حکومەتی عێراق بوو بۆ پارێزگاکانی هەرێم.
